Batysqazaqstandyq tártip saqshylaryna jıyrma avtokóliktiń kilti tabys etildi
BQO ІІD baspasóz qyzmetinen túsken málimetke qaraǵanda, saltanatty sapqa turǵan departamenttiń jeke quramyn oblys ákiminiń orynbasary Ǵabıdolla Ospanqulov elimizdegi eń ulyq meırammen quttyqtady. «Quqyq qorǵaý organdary qyzmetkerleriniń basty mindeti - azamattardyń konstıtýtsııalyq quqyǵy men erkindigin qamtamasyz etý. Sondyqtan ishki ister organdaryn materıaldyq-tehnıkalyq jaǵynan nyǵaıtý erekshe mańyzdy. Osy oraıda bıýdjet esebinen taǵy da jıyrma avtokólik alynyp otyr», - dedi ol.
Jańa kólikter departamenttiń kezekshi bólimine, departament pen Oral qalalyq ishki ister basqarmasynyń jol-patrýldik batalondaryna, shahardaǵy ıývenaldy polıtsııaǵa tapsyryldy. Sondaı-aq atty ásker vzvodyna eki at tasymaldaıtyn kólik jáne bir evakýator berildi.
Tártip saqshylaryn departament bastyǵy, polıtsııa general-maıory Maqsuthan Ablazımov ta quttyqtap, izgi tilegin jetkizdi.
Shara barysynda baıqaý qorytyndysymen úzdik ýchaskelik polıtsııa ınspektorlaryna oblys ákimi atynan gramotalar tabys etildi. Atap aıtqanda, Shyńǵyrlaý aýdandyq ishki ister bóliminiń ýchaskelik polıtsııa ınspektory, polıtsııa kapıtany Ivan Kıva, Oral qalasynan polıtsııa maıory Jánibek Dúısimov, Aqjaıyqtan polıtsııa maıory Nurlan Ǵabdýshev, Bórliden polıtsııa kapıtany Jeńis Jumashev úzdik atandy.
