Batysqazaqstandyq taekvondoshylar respýblıkalyq týrnırden jeńispen oraldy
ORAL. QazAqparat - Batysqazaqstandyq taekvondoshylar Almaty oblysy Qaskeleń aýdanynda Qarasaı batyrdy eske alýǵa arnalǵan balalar, jasóspirimder jáne jetkinshekter arasynda HІІ respýblıkalyq týrnırden jeńispen oraldy, dep habarlaıdy «QazAqparat» HAA tilshisi.
Taekvondodan BQO quramasynyń aǵa jattyqtyrýshysy Arslan Ordabaev bastap barǵan sportshylar arasynan Lıana Kýshkeeva men Ádil Amangeldıev týrnır chempıony atansa, ıAn Cherentsov qola júldeni ıelendi. Bul jarysqa Astana, Almaty qalalary men respýblıka oblystarynan balǵyn taekvondoshylar qatysyp, jas erekshelikterine qaraı baq synady. Týrnır WTF - Búkilálemdik taekvondo federatsııasynyń erejelerine jáne sharttaryna sáıkes, olımpıadalyq júıemen ótkizildi.
Sportqa daryndy balalarǵa arnalǵan mamandandyrylǵan oblystyq mektep-ınternatynyń ádiskeri Gúldarııa Sısenovanyń aıtýynsha, Lıana osy bilim ordasynyń 7-synybynda oqıdy.
Jalpy, atalmysh mekteptiń shákirtteri basqa jarystardan da oljaly oralyp júr. Aıtalyq, Qostanaı qalasynda erkin kúresten Qazaqstannyń jáne KSRO-nyń eńbek sińirgen jattyqtyrýshysy Petr Matýşakty eske alýǵa arnalǵan HІІ respýblıkalyq týrnırde Zeınep Baıanova men Dana Saǵynalıeva kúmis, Elvıra Quttybaı, Sábıt Túgeltaev, Arına Asmambetova qola júldeni ıelendi. Olardy Musabek Naregeev, Dýlat Samıev, Gúljanat Qojaǵalıeva jattyqtyrady. 
