Batysqazaqstandyq sportshylar jekpe-jekten ótken el kýbogynan tabyspen oraldy
ORAL. QazAqparat - Batysqazaqstandyq sportshylar Aqtóbe qalasynda balalar men jasóspirimder arasynda ulttyq sport túri - jekpe-jekten ótken Qazaqstan kýbogy jarysynan tabyspen oraldy, dep habarlaıdy «QazAqparat» tilshisi.
BQO ulttyq sport mektebiniń dırektory Dastan Myrzaǵalıevtiń aıtýynsha, el kýbogyna Astana, Almaty qalalary men segiz oblystan barlyǵy 250 sportshy qatysyp, baq synady. BQO-dan segiz sportshy qatyssa, sonyń beseýi júldeger atandy.
Atap aıtqanda, BQO ulttyq sport mektebiniń shákirtteri Qadyrbek Asylbekov 40 kg, Dıas Shýrın 55 kg salmaqta jeńimpaz atandy. Al Raınıs Baeshev 32 kg, Sanjar Jumaseıitov 50 kg, Ábýbákir Ihsanov +55 kg salmaqta úshinshi orynǵa kóterildi. Olardy jekpe-jek bóliminiń bapkeri Aıdynǵalı Ihsanov jattyqtyrady.
