Batysqazaqstandyq sportshy toǵyzqumalaqtan álem chempıony atandy
BQO dene shynyqtyrý jáne sport basqarmasynan málim etkenindeı, Áset toǵyzqumalaqtyń blıts túrinen úzdik shyqty.
Qyrǵyzstandyq Anarbek Djamakeev ekinshi, taǵy bir qazaqstandyq Medet Husaıynov úshinshi orynǵa ıe boldy.
Osylaısha, Á.Qaıyrjanov eresekter arasynda Batys Qazaqstan oblysynan shyqqan tuńǵysh álem chempıony atandy.
Áset Baýyrjanuly 2000 jyly Oral qalasynda dúnıege kelgen. Oraldaǵy mektepten tys jumys ortalyǵy janynan ashylǵan toǵyzqumalaq úıirmesine 2010 jyly qabyldanyp, jattyqtyrýshy Qanapııa Qaıapbergenovtiń qolastynda osy ulttyq sport túrimen shuǵyldana bastaǵan. 2018 jyly qaladaǵy №19 orta mektepti úzdik bitirgen. Astana qalasyndaǵy Eýrazııa ulttyq ýnıversıtetiniń avtomattandyrý jáne basqarý mamandyǵy boıynsha túlegi (2022 jyl).
Jasóspirimder jáne jastar arasynda Azııanyń úsh dúrkin chempıony atanyp úlgergen Áset Qaıyrjanovty qazirgi kezde BQO dene shynyqtyrý jáne sport basqarmasynyń joǵary sport sheberligi mektebinde bapker Jarashan Saǵynbaev jattyqtyrady.
Aqtóbede toǵyzqumalaqtan álem birinshiligi jeksenbi kúni máresine jetedi. Sońǵy eki kúnde rapıd sheberleri synǵa túsedi.
Eske sala keteıik, budan buryn Aqtóbede toǵyzqumalaqtan álem chempıonaty bastalǵanyn jazǵan bolatynbyz.