Batysqazaqstandyq sportshy qoıan-qoltyq urystan ashyq týrnırde jeńimpaz atandy
ORAL. QazAqparat - BQO Іshki ister departamentiniń qyzmetkeri Temirlan Ihsanǵalıev QR ishki ister organdary qurylýynyń 25 jyldyǵyna oraı Aqmola oblysy Şýchınsk qalasynda erler men áıelder arasynda qoıan-qoltyq urystan ótken onynshy ashyq týrnırde jeńimpaz atandy, dep habarlaıdy «QazAqparat» tilshisi.
Oblystyq ІІD baspasóz qyzmetinen túsken málimetke qaraǵanda, atalmysh jarysqa elimizdegi quqyq qorǵaý organdary ǵana emes, sondaı-aq birqatar TMD (Reseı, Belarýs, Qyrǵyzstan, t.b.) elderinen 18 komanda quramynda 186 sportshy qatysyp, baq synady.
Qazaqstan quramasy sapynda synǵa túsken Temirlan Ihsanǵalıev 80 kg salmaqta chempıondyq tuǵyrǵa kóterildi.
Aıta keteıik, qoıan-qoltyq urystan jáne áskerı sambodan halyqaralyq dárejedegi sport sheberi Temirlan Ihsanǵalıev - talaı halyqaralyq dodada olja salyp júrgen belgili sportshy. Ol - qoıan-qoltyq urystan álem kýbogynyń júldegeri, áskerı sambodan eki dúrkin álem kýbogy kezeńiniń jeńimpazy, álem birinshiliginiń kúmis júldegeri.
Batys Qazaqstan. QazAqparat.
