Batysqazaqstandyq sportshy qol kúresinen el kýbogynyń ıegeri atandy
ORAL. QazAqparat - Kókshetaý qalasynda gir sporty jáne qol kúresinen erler men áıelder arasynda QR kýbogy úshin ótken jarysta BQO quramasy tabysty óner kórsetti, dep habarlaıdy QazAqparat tilshisi.
BQO dene shynyqtyrý jáne sport basqarmasynan túsken málimetke qaraǵanda, Dáýren Bısemálıev (bapkeri Murat Ibatov) qol kúresinen 70 kg salmaqta jeńimpaz atanyp, QR sport sheberi ataǵyn oryndady. Sondaı-aq áıelder arasynda 55 kg salmaqta Janna Qaztýǵanova kúmis júldeger atansa, Kórkem Edigeeva úshinshi oryndy ıelendi. 70 kg salmaqta Roza Vardanıan ekinshi, Mádına Tólepqalıeva úshinshi orynǵa kóterildi. 
