Batysqazaqstandyq sportshy kekýshınkaı karateden ótken el chempıonatynda jeńimpaz atandy
ORAL. QazAqparat - Aqtaý qalasynda kekýshınkaı karateden 10 jastan joǵarylar jáne eresekter arasynda márege jetken HH el chempıonatynda batysqazaqstandyq sportshylar tabysty óner kórsetti, dep habarlaıdy «QazAqparat» HAA tilshisi.
Atalmysh jarysqa Qazaqstan oblystary men Astana, Almaty qalalarynan 550 sportshy qatysyp, baq synady.
Jarys qorytyndysynda BQO-dan barǵan 19 jasar senpaı Shaınur Sadyqov jeńimpaz atandy. Endi Solongo Ishan jattyqtyratyn Shaınur Qazaqstan quramasy sapynda Rýmynııada ótetin Eýropa chempıonatyna, bıylǵy qarasha aıynda Indonezııada bolatyn álem kýbogy jarysyna daıyndalady.
El birinshiliginde sondaı-aq batysqazaqstandyqtar, 11 jasar Álıhan Qubaev, 12 jasar Danıl Obýhov úshinshi oryndy ıelendi. 
