Batysqazaqstandyq sportshy aýdaryspaqtan besinshi márte el chempıony atandy
ORAL. QazAqparat - Ulttyq sport túrlerinen Shymkent qalasynda jasóspirimder arasynda ótip jatqan el chempıonatynda BQO quramasy sátti óner kórsetýde, dep habarlaıdy «QazAqparat» tilshisi.
BQO ulttyq sport mektebiniń dırektory Dastan Myrzaǵalıevtiń aıtýynsha, Narmaǵanbet Imanǵazyuly aýdaryspaqtan 70 kg salmaqta jeńimpaz atandy. Narmaǵanbet osymen besinshi ret el chempıony ataǵyn jeńip alyp otyr. Sondaı-aq 40 kg salmaqta taǵy bir batysqazaqstandyq Bekzat Sálimov úshinshi orynǵa kóterildi. Oǵan qosa teńge ilýden Tórehan Baqytjanov qola júldege ıe boldy.
Sportshylardy Aqtilek Sársenov jattyqtyrady.
Aıta keteıik, el chempıonaty 27 qazanda márege jetpek.
