Batysqazaqstandyq sharýa egis alqabyna kirgen jylqylardy atyp tastaǵan

ORAL. QazAqparat – Batys Qazaqstan oblysynyń turǵyny egis alqabyna kirgen eki jylqyny atyp tastaǵan, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen málim etkenindeı, oqıǵa 24 shilde kúni Terekti aýdany Uzynkól aýyly mańynda boldy.

«Shamamen saǵat 17.00-de 1968 jylǵy turǵyn óziniń egistik alqabynda tirkelmegen myltyqpen eki jylqyny atyp tastaǵan. Sonyń saldarynan 1961 jylǵy turǵynǵa 1,2 mln teńge kóleminde zalal keltirilgen. Atalǵan derek boıynsha 25 shilde kúni Terekti aýdany polıtsııa bólimi QR QK 202-baby 1-bólimine (bótenniń múlkin qasaqana joıý nemese búldirý) sáıkes qylmystyq is qozǵap, tergeý amaldaryn bastady. Sonyń barysynda hattamamen 1968 jylǵy turǵynnan 16 uńǵyly myltyq alynyp, BQO polıtsııa departamentiniń jedel krımınalıstıkalyq basqarmasyna zertteýge jiberildi. Myltyqty zańsyz saqtaǵany úshin atalǵan azamatty ákimshilik jaýapkershilikke tartý máselesin qaraý úshin materıal jergilikti polıtsııa qyzmeti bólimine joldandy», - dep habarlady vedomstvodan.

Aýyl turǵyny Ǵadil Sarbaevtyń aıtýynsha, jylqy «Qarabulaq» sharýa qojalyǵyna tıesili. Qojalyq inisi Marat Sarbaevtyń atynda.

«Atylǵan oqtan taǵy eki jylqy jaraqattanǵan», - dedi Ǵ. Sarbaev.

Eske sala keteıik, budan buryn Oralda 64 jastaǵy er adamnyń 6-qabattan sekirip ketkenin jazǵan bolatynbyz.