Batysqazaqstandyq samboshy Qazaqstan birinshiliginde absolıýtti chempıon atandy
ORAL. QazAqparat - Batysqazaqstandyq Edil Úsenov sambodan ardagerler arasyndaǵy Qazaqstan birinshiliginde absolıýtti chempıon atandy, dep habarlaıdy QazAqparat tilshisi.
BQO dene shynyqtyrý jáne sport basqarmasynan túsken málimetke qaraǵanda, Qostanaı qalasynda akademık Shaısultan Shaıahmetovti eske alýǵa arnalǵan sambo kúresinen sport sheberleri arasynda ótken chempıonatqa elimizdiń óńirleri men Astana, Almaty qalasynan 200-ge jýyq palýan qatysyp, jas erekshelikterine qaraı kúsh synasty.
Bul birinshilikte alǵash ret 35-60 jas aralyǵynda absolıýtti chempıonǵa beldik tigildi. Osy saıysqa 15 sportshy qatysyp, sonyń ishinen batysqazaqstandyq Edil Úsenov jeńis tuǵyryna kóterildi.
Jalpykomandalyq esepte de BQO quramasy 10 altyn, 6 kúmis, 7 qola medalmen birinshi oryndy jeńip aldy.
Sambodan ardagerler arasynda BQO quramasynyń aǵa bapkeri, oblystyq joǵary sporttyq sheberligi mektebi dırektorynyń orynbasary Qazbolat Qurmashevtiń aıtýynsha, batysqazaqstandyq palýandar endi qazan aıynda Marokkonyń Kasablanka qalasynda ótetin álem chempıonatyna daıyndalady.
