Batysqazaqstandyq saqshylar salalyq birinshilikte chempıon atandy
ORAL. QazAqparat - Atyraý qalasynda sambodan ótken QR Іshki ister mınıstrliginiń chempıonatynda batysqazaqstandyqtar tabysty óner kórsetti, dep habarlaıdy «QazAqparat» tilshisi.
BQO ІІD baspasóz qyzmetinen túsken málimetke qaraǵanda, baıraqty básekege ІІM, Ulttyq qaýipsizdik komıteti, Ulttyq ulan jáne oblystardaǵy ishki ister departamentterinen barlyǵy 17 komanda qatysyp, kúsh synasty.
Jarys qorytyndysynda jalpykomandalyq esepte BQO quramasy ekinshi oryndy enshiledi. Shyǵysqazaqstandyqtar birinshi, tarazdyqtar úshinshi orynǵa kóterildi.
Jekeleı synda Erbolat Baıbatyrov (62 kg), Baǵdat Jarylǵasov (68 kg) jáne Aıbek Ǵabdeshev chempıon atandy.
