Batysqazaqstandyq saqshylar 20 keli ýyldyryq tárkiledi
ORAL. QazAqparat - BQO ІІD jergilikti polıtsııa qyzmetiniń qyzmetkerleri 29 qazan kúni shamamen saǵat 18.00-de reıd sharalary kezinde Samara-Shymkent jolynyń 205-shaqyrymynda 1970 jylǵy S. degen azamat aıdap kele jatqan «Opel Omega Karavan» avtokóligin toqtatty.
BQO ІІD baspasóz qyzmetinen túsken málimetke qaraǵanda, avtokóliktiń salonyn tekserý barysynda eshqandaı qujaty joq, arnaıy konteıner ydysqa nyǵyzdalyp salynǵan 20 kg ýyldyryq tabylyp, tárkilendi.
Atalǵan derek QR QK 339-babyna (sırek kezdesetin jáne quryp ketý qaýpi tóngen ósimdikter nemese janýarlarmen, olardyń bólikterimen nemese derıvattarymen zańsyz aınalysý) sáıkes sotqa deıingi tergep-tekserýdiń biryńǵaı tizilimine tirkeldi.
Qazirgi ýaqytta tergeý amaldary júrgizilýde.
