Batysqazaqstandyq palýandar respýblıkalyq týrnırde júldeger atandy
ORAL. QazAqparat - Qaraǵandy qalasynda grek-rım kúresinen jasóspirimder arasynda QR sport sheberi, «Aıbyn» ordeniniń ıegeri Aqylbek Mýsındi eske alýǵa arnalǵan ashyq respýblıkalyq týrnırde batysqazaqstandyq palýandar júldeger atandy, dep habarlaıdy «QazAqparat» tilshisi.
Palýandardyń bapkeri Artýr Úmbetqalıevtiń aıtýynsha, Eljas Samıǵollın 54 kg salmaqta chempıondyq ataqqa qol jetkizdi. Sondaı-aq Dosjan Ótepqalıev (54 kg) pen Sanjar Lekerov (58 kg) qola júldege ıe boldy.
Aldaǵy jylǵa Qazaqstan ulttyq quramasyna úmitkerlerdi irikteý maqsatynda uıymdastyrylǵan jarysqa elimizdiń onshaqty óńirinen palýandar qatysyp, baq synady.
Aıta keteıik, Artýr Úmbetqalıevtiń ózi kezinde grek-rım kúresinen jastar arasynda álem chempıony atanǵan bolatyn.
