Batysqazaqstandyq palýan qyz kezekti ret Qazaqstan chempıony boldy
ORAL. QazAqparat - Şýchınsk qalasynda áıelder kúresinen márege jetken 2000-2002 jylǵy qyzdar arasyndaǵy el chempıonatynda batysqazaqstandyq Aıdana Sultanova jeńimpaz atandy, dep habarlaıdy «QazAqparat» HAA tilshisi.
Sportqa daryndy balalarǵa arnalǵan mamandandyrylǵan oblystyq mektep-ınternatynyń ádiskeri Gúldarııa Sısenovanyń aıtýynsha, 40 kg salmaqta kúresken Aıdana osymen eki márte el chempıony atanyp otyr. Sonymen qatar Anastasııa Panasovıch 56 kg salmaqta ekinshi, Arına Asmambetova 60 kelide úshinshi oryndy ıelendi.
Palýan qyzdardyń úsheýi de atalǵan mektep-ınternatta oqıdy. Bapkeri - áıelder kúresinen BQO quramasynyń aǵa jattyqtyrýshysy Musabek Naregeev.
