Batysqazaqstandyq palýan qyz Qazaqstan jastar oıyndarynyń júldegeri atandy
ORAL. QazAqparat - Batysqazaqstandyq Gaýhar Ermaǵambetova Taraz qalasynda dzıýdodan ótken Qazaqstan ІV jastar oıyndarynyń qola júldegeri atandy, dep habarlaıdy «QazAqparat» tilshisi.
BQO dene shynyqtyrý jáne sport basqarmasynan túsken málimetke qaraǵanda, Qasym Qajenov jattyqtyratyn Gaýhar 57 kg salmaqta júldege ilikti.
Bórli aýdanynda týyp-ósken ol qazirgi kezde M.Ótemisov atyndaǵy Batys Qazaqstan memlekettik ýnıversıtetiniń 1-kýrsynda oqıdy.
Eske sala keteıik, budan buryn taǵy bir bórlilik palýan Gúldana Álmuhanbetova (bapkerleri Qasym Qajenov pen Mánshúk Badanova) Baký qalasynda ótken ІV Islam yntymaqtastyǵy oıyndarynda dzıýdo kúresinen 52 kg salmaqta qola júldeni jeńip alǵan bolatyn.
