Batysqazaqstandyq oqýshylar respýblıkalyq olımpıadadan júldemen oraldy
ORAL. QazAqparat - Batysqazaqstandyq oqýshylar Aqtaý qalasynda gýmanıtarlyq pánder boıynsha ótken respýblıkalyq pándik olımpıadadan júldemen oraldy, dep habarlaıdy «QazAqparat» tilshisi.
Daryndy balalarǵa arnalǵan mamandandyrylǵan S.Seıfýllın atyndaǵy №11 oblystyq mektep-ınternaty kesheninen túsken málimetke qaraǵanda, osy bilim ordasynan barǵan 11-synyp oqýshylary Raýshan Sapar men Aınur Naýkenova qazaq tili men ádebıetinen sáıkesinshe ekinshi jáne úshinshi oryndy enshiledi. Olardyń ekeýiniń de ustazy - Dınara Imasheva. Sondaı-aq Arýjan Abdolova aǵylshyn tilinen, Perızat Ǵumarova quqyqtan alǵyshatqa ıe boldy.
Sonymen qatar oblystyq daryndy balalarǵa arnalǵan mamandandyrylǵan mektep-ınternatynyń shákirtteri de qur qaıtqan joq. Mektep dırektorynyń baǵdarly pánder jónindegi orynbasary Aıgúl Kenjeǵalıevanyń málim etkenindeı, 11-synyp oqýshylary Lara Bolatova (jetekshisi Aınur Shadyǵalıeva) ekinshi, Aqmaral Áýbákirova (ustazy Azat Jeksenov) úshinshi orynǵa kóterildi.
Aıta keteıik, bul qos mektep UBT-da jyl saıyn joǵary kórsetkishterge qol jetkizip keledi.
