Batysqazaqstandyq oqýshylar kezekti baıqaýda top jardy
ORAL. QazAqparat - Syrym aýdandyq balalar men jasóspirimder shyǵarmashylyǵy ortalyǵynyń shákirtteri Arýjan Iosıfova men Aqbota Shırmedın Aqtóbe qalasynda ótken «Úkilim-aı» respýblıkalyq óner baıqaýynda úzdik atandy, dep habarlaıdy «QazAqparat» tilshisi.
«Daryn» aqyndar úıirmesiniń jetekshisi Meıirbek Taımanovtyń aıtýynsha, "Platon" halyqaralyq bilim damytý ortalyǵy uıymdastyrǵan saıysta 26 qatysýshynyń arasynan Arýjan bas júldeni jeńip alsa, Aqbota birinshi orynǵa laıyq dep tanyldy.
Eske sala keteıik, atalmysh ortalyq oqýshylary dál osy Aqtóbede 2 qarasha kúni márege jetken «Álem TALANT STARS» atty halyqaralyq baıqaýda birneshe júldege qol jetkizgen bolatyn. Onda A.Shırmedın «Kórkem sóz» atalymy boıynsha 68 úmitkerdiń ishinen ozyp shyǵyp, bas júldeni jeńip aldy.
Al «Drama» úıirmesiniń (jetekshisi Eldar Áýbákirov) múshesi Gúlnazym Erbolatova «Drama» atalymy boıynsha bas júldeni ıemdene otyryp, «Kórkem sóz» atalymynda birinshi oryn aldy.
Sonymen qatar Arýjan Iosıfova «Kórkem sóz» atalymy boıynsha óz tobynda І orynnyń ıegeri atandy. Qaırat Rahmetov jetekshilik etetin «Vokal» úıirmesiniń múshesi Arýna Zakına - birinshi, al Nurgeldi Ǵabdýllın úshinshi orynǵa kóterilse, «Arýjan» jáne «Aınalaıyn» bı ujymdary óz toptary boıynsha birinshi oryndy enshilegen edi. Oǵan qosa Aqbota Shırmedın bıylǵy jyl basynda oqýshylar arasynda ótken respýblıkalyq aqyndar músháırasynyń jeńimpazy atanǵan bolatyn.
