Batysqazaqstandyq oqýshy respýblıkalyq baıqaýdyń bas júldegeri atandy
ORAL. QazAqparat - Oral qalasyna qarasty Serebrıakov kentindegi orta mekteptiń 9-synyp oqýshysy Nartas Núften Almaty qalasynda márege jetken aıtysker aqyn, ánshi-kompozıtor Áset Naımanbaıulynyń 150 jyldyǵyna arnalǵan І respýblıkalyq «Án salsań, Ásetteı sal...» baıqaýynyń bas júldegeri atandy, dep habarlaıdy «QazAqparat» HAA tilshisi.
Nartastyń ustazy, mýzyka pániniń muǵalimi Meıramgúl Eselbaevanyń aıtýynsha, «Táýelsiz el jastary» qoǵamdyq qory uıymdastyrǵan óner saıysyna qatysýshylar dástúrli án, halyq kompozıtorlarynyń kúıleri jáne Ásettiń óleńderin mánerlep oqýdan synǵa tústi. Kúı saıysyna 15 úmitker qatysyp, solardyń arasynan Nartas Shyntasuly úzdik shyqty. Birge barǵan ájesi Birǵanym Qadyrǵalıevanyń úmitin de aqtaǵan Nartas halyq kúıi «El aıyrylǵandy» oryndap berdi. 
J.Dosmuhamedov atyndaǵy pedkolledjdi támamdaǵan Meıramgúl Aıbolatqyzy Nartasty kúıge ekinshi jyl baýlyp keledi. Bul - onyń respýblıkalyq baıqaýǵa tuńǵysh ret qatysýy.
