Batysqazaqstandyq «Nazerke» úlgili bı ansambli Almatyda ótken baıqaýda bas júldeni jeńip aldy
ORAL. QazAqparat - Aqsaı qalasyndaǵy «Nazerke» úlgili bı ansambli Almaty qalasynda ótken balalar men jasóspirimder arasyndaǵy «Syrym bar júregimde» atty respýblıkalyq baıqaýdyń bas júldesin ıelendi, dep habarlaıdy «QazAqparat» HAA tilshisi.
Ónerdiń birneshe túrinen ótetin dástúrli baıqaýda respýblıka óńirlerinen barǵan jas daryndar jas erekshelikterine qaraı baq synady. Batys Qazaqstan oblysy atynan synǵa túsken, Aınur Muqanǵalıeva jetekshilik etetin «Nazerke» ansambli 9-10 jastaǵy qyzdar arasynda qazirgi zamanǵy bıdi ádemi oryndap, bas júldeni jeńip aldy. Oǵan qosa ansambl 10-12 jastaǵylar arasynda birinshi oryndy enshiledi. Al «Nazerkeniń» bıshisi Alına Kaıýbalıeva 9-10 jastaǵylar arasynda jekeleı synda ekinshi orynǵa kóterildi.
Aınur Muqanǵalıevanyń aıtýynsha, ózi talapty balalarǵa bı úıretýmen 25 jyldan beri aınalysyp keledi. Al «Nazerke» ansambline 20 jyl toldy. Bul joly Almatyǵa 9-10 jastaǵy 4-synyp oqýshylary bardy. Olardyń bımen aınalysqanyna tórt jyldaı ýaqyt boldy.
«Nazerke» bı ansambli budan buryn da kóptegen halyqaralyq, respýblıkalyq baıqaýlardan júldemen oralyp júr», dedi «QazAqparat» tilshisine Bórli aýdandyq demalý ortalyǵynyń dırektory Abdýl Rahmetov.
