Batysqazaqstandyq qos jeńil atlet el birinshiliginde júldege ilikti
ORAL. 16 qyrkúıek. QazAqparat /Eljan Eraly/ - Almatydaǵy ortalyq stadıonda jeńil atletıkadan jastar arasyndaǵy el chempıonaty márege jetken bolatyn.
Osy jarys barysynda el kýbogy da sarapqa salyndy. Elimizdiń barlyq óńirinen 200-ge jýyq sportshy baq synaǵan birinshilik nátıjesinde naıza laqtyrýdan oraldyq eki sportshy júldege ilikti.
Sporttyń osy túrinen Gúlzada Habıeva kúmisten alqa taqsa, el birinshiliginiń birneshe dúrkin júldegeri Artem Prıstaj bul joly qolany qanaǵat tutty.
Qos júldeger de - Oraldaǵy №1 balalar men jasóspirimder sport mektebiniń túlegi. Qazaqstannyń ІІІ jazǵy spartakıadasynyń chempıony G.Habıeva bıyl Almatydaǵy sport akademııasyna oqýǵa tússe, Qazaqstan chempıonatynyń birneshe dúrkin júldegeri A.Prıstaj ózimizdiń BQMÝ-dyń dene tárbıesi fakýltetiniń stýdenti atandy.
Taıaý jyldary halyqaralyq baıraqty básekelerde olja salady dep júrgen qos sportshyny Sergeı Skakýnov pen Ivan Mıronenko jattyqtyrady.
