Batysqazaqstandyq qos doıbyshy el chempıony atandy
ORAL. QazAqparat - Batysqazaqstandyq qos sportshy doıbydan Shymkent qalasynda ótken QR chempıonatynda jeńimpaz atandy, dep habarlaıdy «QazAqparat» tilshisi.
BQO dene shynyqtyrý jáne sport basqarmasynan túsken málimetke qaraǵanda, jasóspirimder, jastar, erler men áıelder arasyndaǵy «doıby 100» boıynsha ótken jarysqa segiz oblystan jetpisten astam sportshy qatysyp, baq synady.
BQO-dan №2 balalar-jasóspirimder sport mektebiniń qos doıbyshysy Aıshat Aqylbek pen Elızaveta Bapıeva óńir namysyn qorǵady. 23 jasqa deıingiler arasynda E.Bapıeva klassıkadan, rapıdten jáne blıtsten úsh altyn júldeni jeńip alyp, absolıýtti chempıon atandy. Al Aıshat Aqylbek áıelder arasynda eki altyn medalǵa (rapıd, blıts) ıe boldy. Olardyń jattyqtyrýshysy - Danııar Jumageldıev.
