Batysqazaqstandyq qol kúresi sheberleri el birinshiliginde júldeger atandy
ORAL. QazAqparat - Batysqazaqstandyq sportshylar Býrabaıda gir sporty men qol kúresinen erler men áıelder arasynda ótken el chempıonatynan júldeli oraldy, dep habarlaıdy «QazAqparat» tilshisi.
Gir sporty men qol kúresinen BQO quramasynyń aǵa jattyqtyrýshysy Murat Ibatovtyń aıtýynsha, elimizdiń eń myqty sportshylary bas qosqan tartysty básekede Kenjeqyz Qaýpenova 65 kg, Ásel Jumaǵambetova 80 kg salmaqta qola júldege ıe boldy.
«Jalpy, oblysta atalmysh sport túri jaqsy damyp keledi. 2014 jyly Oraldaǵy №4 balalar men jasóspirimder sport mektebinde arnaıy bólim ashylyp, sonda daıyndalǵan qol kúresi sheberleri kóp uzamaı respýblıkalyq jarystarda top jara bastady. Bir jyldan keıin Artýr Sherǵalıev jetekshilik etetin oblystyq gir sporty jáne qol kúresi federatsııasy quryldy. Qazirgi kezde óńirde myńǵa jýyq adam osy sport túrimen aınalysýda, olardy otyzdan astam bapker jattyqtyrýda. Myqty sportshylardyń kópshiligi - aýyldan shyqqandar, ıaǵnı aýdandarda da bilikti mamandar jumys jasaýda. Bıylǵy bir jetistik, Almatyda ótken el chempıonatynda Qaısar Qabylov pen Kenjeqyz Qaýpenova aldaǵy kúzde Vengrııa elinde jastar arasynda ótetin álem birinshiligine joldama alǵan bolatyn. Endi ekeýi osy dodaǵa da daıyndalady», - dedi M.Ibatov.
