Batysqazaqstandyq qol kúresi sheberleri álem jáne Azııa chempıonatyna joldama aldy
ORAL. QazAqparat - Almaty qalasynda márege jetken gir sporty jáne qol kúresinen jasóspirimder men jastar jáne qyzdar arasyndaǵy el chempıonatynda batysqazaqstandyq sportshylar tabysty óner kórsetti, dep habarlaıdy «QazAqparat» HAA tilshisi.
Gir sporty men qol kúresinen BQO quramasynyń aǵa jattyqtyrýshysy Murat Ibatovtyń aıtýynsha, gir sportynan Roza Vardanıan +68 kg salmaqta kúmis júldeger atansa, Anastasııa Sedova 68 kg, Rasýl Tóleýov +85 kg salmaqta qola medaldi ıelendi. Qol kúresinen Qaısar Qabylov 85 kg salmaqta ekinshi orynǵa kóterildi. Sondaı-aq Kenjeqyz Qaýpenova 65 kg, Farhat Qalıev +90 kg, Súıesin Qumarov 80 kg, Araılym Qanatova 70 kg jáne para qol kúresinen Jıenbek Qoshanov 70 kg salmaqta úshinshi júldeni enshiledi.
«Chempıonat qorytyndysy boıynsha ózim baptaıtyn, jastar arasynda synǵa túsken Qaısar Qabylov pen Kenjeqyz Qaýpenova Vengrııa elinde ótetin álem chempıonatyna joldama aldy. Olar bir aıdan keıin Býrabaıda ótetin eresekter arasyndaǵy el birinshiliginde de baǵyn synap kóredi. Oǵan qosa jeti sportshy Qyrǵyzstanda bolatyn Azııa birinshiligine baratyn boldy», dedi «QazAqparat» tilshisine M.Ibatov.
