Batysqazaqstandyq qazaq drama teatry Makedonııada ótken halyqaralyq festıvaldiń jeńimpazy atandy
ORAL. QazAqparat - Batys Qazaqstan oblystyq qazaq drama teatry Makedonııanyń Veles qalasynda ótken «Stobı - 2016» antıkalyq drama teatrlarynyń HV halyqaralyq festıvaliniń bas júldesin jeńip aldy.
Atalmysh qazaq teatrynan túsken málimetke qaraǵanda, batysqazaqstandyq ujym kóne grek dramatýrgi Evrıpıdtiń áıgili shyǵarmasy negizinde «Troıa arýlaryn» sahnalady. Qoıylymdy velestik kórermender men teatr synshylary óte jyly qabyldady.
Gran-prıge qosa «Troıa arýlaryn» qoıǵan tarazdyq belgili rejısser, Sh.Aıtmatov atyndaǵy halyqaralyq syılyqtyń laýreaty Qýandyq Qasymov «Eń úzdik rejıssýra», Gekýba beınesin somdaǵan Qazaqstannyń eńbek sińirgen qaıratkeri Bıbigúl Esalıeva «Eń úzdik áıel obrazy» atalymdaryn jeńip aldy.
Aıta keteıik, batysqazaqstandyq teatr dál osy spektaklmen 2015 jyly Kerch qalasynda 5-10 maýsym aralyǵynda ótken «Bosporskıe agony» halyqaralyq antıkalyq óner festıvaliniń de bas júldesin ıelengen bolatyn. Sondaı-aq sol joly da B.Esalıeva «Eń úzdik áıel beınesi úshin» atalymyn ıelengen edi.
