Batysqazaqstandyq kásipker arnaıy qorǵa 10 mln teńge aýdardy
ORAL. QazAqparat – Batysqazaqstandyq kásipker, oblystyq máslıhat depýtaty Nurǵazy Sátbaev «Biz birgemiz!» aktsııasyna qoldaý bildirip, arnaıy qorǵa 10 mln teńge aýdardy, dep habarlaıdy QazAqparat tilshisi.
«Nur Otan» partııasy oblystyq fılıalynyń baspasóz qyzmetinen túsken málimetke qaraǵanda, N.Sátbaev – óńirge tanymal kásipker, «Uniserv» JShS bas dırektory.
BQO máslıhatyndaǵy «Nur Otan» partııasy depýtattyq fraktsııasynyń múshesi N.Sátbaev – óńirdiń qoǵamdyq-saıası ómirine, qaıyrymdylyq sharalaryna belsene aralasatyn halyq qalaýlylarynyń biri.
Depýtat buǵan deıin de áleýmettik jaǵynan az qamtylǵan birneshe otbasyna qolushyn sozyp, úı salyp bergen bolatyn.
Eske sala keteıik, budan buryn Oralda koronavırýs anyqtaldy dep jalǵan habar taratqan áıeldiń ustalǵanyn, jolaýshylar tasymalyna shekteý engiziletinin jazǵan bolatynbyz.
