Batysqazaqstandyq karateshiler Shymkentte ótken týrnırde tabysty óner kórsetti
ORAL. QazAqparat - Batysqazaqstandyq balǵyn sportshylar balalar men jasóspirimder arasynda kekýshınkaı karateden Shymkent qalasynda jeksenbi kúni márege jetken aımaqtyq týrnırde tabysty óner kórsetti, dep habarlaıdy «QazAqparat» HAA tilshisi.
Atalmysh jarysqa elimizdiń segiz qalasynan 460 karateshi qatysyp, jas erekshelikterine qaraı (5 jastan 17-ge deıin) baq synady. BQO-dan elýden astam sportshyny bapkerler Suńǵat Joldanov, Baqytbek Skokov jáne Shaınur Sadyqov bastap bardy.
Týrnır qorytyndysynda BQO quramasynan Álisher Dáýlet, Álıhan Qubaev, Álfarabı Espolov, Tatıana Kovantsova, Nurgúl Saparova chempıon atansa, Mırlan Sarıev, Jasmın Shaǵýanova, Ramına Jumaǵulova, Daryn Dáýletov kúmis júldeni ıelendi. Taǵy 16 jetkinshek úshinshi orynǵa kóterildi.
Endi balǵyn karateshiler elge oralǵannan keıin 26 aqpanda ótetin Oral qalasy chempıonatyna qatysatyn bolady.
Eske sala keteıik, budan buryn BQO quramasy Qaraǵandy qalasynda kekýshınkaı karateden qańtar aıynyń aıaǵynda ótken «Shahterler astanasynyń ІІІ kýbogy» ashyq respýblıkalyq týrnırde jalpykomandalyq esepte úshinshi oryndy ıelengen bolatyn.
