Batysqazaqstandyq karateshiler Qaraǵandyda ótken týrnırden oljaly oraldy
ORAL. QazAqparat - Qaraǵandy qalasynda kekýshınkaı karateden ótken «Shahterler astanasynyń ІІІ kýbogy» ashyq respýblıkalyq týrnırinen BQO quramasy oljaly oraldy, dep habarlaıdy «QazAqparat» HAA tilshisi.
Jalpykomandalyq esepte úshinshi oryndy ıelengen batysqazaqstandyq karateshilerdi oraldyqtar búgin Oral temir jol vokzalynan qýanyshpen qarsylap aldy.
Kekýshınkaı karateden jyldyń basty jarystarynyń biri bolyp esepteletin atalmysh týrnırge elimizdiń 15 qalasynan 1500-den astam balalar men jasóspirimder qatysyp, jas erekshelikterine qaraı baq synady.
Týrnır qorytyndysynda bapker Suńǵat Joldanov bastap barǵan BQO quramasy 9 altyn, 2 kúmis jáne 7 qola medaldi jeńip aldy. Atap aıtqanda, Qaraqat Asylbekqyzy, Erdáýlet Nuradın, Álisher Dáýlet, Darhan Eslamǵalıev, Aıaýlym Tarǵyn, Saıan Dısen, Petr Skorobogatov, Nurgúl Saparova jáne Shaınur Sadyqov chempıon atandy. Al Daryn Dáýletov pen Baqytbek Skokov kúmis, Jasmın Shaǵýanova, Madııar Esqalıev, Bekzat Aıtjan, Azat Qapanov, Eskendir Saılaý, Dıana Dákirova, Mırjan Arystanov, Batyr Dúısekeshev, Roman Kochetkov, Ernur Ádiluly qola júldeni ıelendi.
Batysqazaqstandyq karateshiler endi osy aıda Shymkent qalasynda bolatyn taǵy bir týrnırge daıyndalýda.
Eske sala keteıik, karate 2020 jyly ótetin Tokıo olımpıadasynyń baǵdarlamasyna engizilgeni belgili.
