Batysqazaqstandyq karateshiler halyqaralyq týrnırden oljaly oraldy
ORAL. QazAqparat - Aqtaý qalasynda karate-dodan (WKF) ótken «Aqtaý kýbogy» halyqaralyq týrnırinen BQO quramasy oljaly oraldy, dep habarlaıdy QazAqparat tilshisi.
Oblystyq dene shynyqtyrý jáne sport basqarmasynyń baspasóz qyzmetinen túsken málimetke qaraǵanda, atalmysh jarysta, ásirese, Álıhan Sartaev (12-13 jas, +50 kg) pen Vladıslav Makarenko (6-7 jas, +25 kg) altynnan alqa taǵyp, aıryqsha kózge tústi. Oǵan qosa Dılıara Tilepbergenova (14-15 jas, -54 kg), Danııl Makarenko (6-7 jas, -25 kg) jáne Kamılıa Jolamanova (12-13 jas, +45 kg) qola júldeni ıelendi.
Balǵyn karateshilerdi Asqar Dosjanov pen Qýanysh Qaıyrov jattyqtyrady.
Aıta keteıik, atalǵan sport túri 2020 jylǵy Tokıo olımpıadasynyń baǵdarlamasyna engizilgeni belgili.
