Batysqazaqstandyq karateshiler Bishkekte ótken týrnırden tabysty oraldy
ORAL. QazAqparat - Qyrǵyzstan astanasy Bishkek qalasynda karate-dodan ótken WKF "BISHKEK OPEN" H halyqaralyq týrnırinen batysqazaqstandyq karateshiler oljaly oraldy, dep habarlaıdy «QazAqparat» HAA tilshisi.
BQO dene shynyqtyrý jáne sport basqarmasynan túsken málimetke qaraǵanda, atalmysh jarysqa Tájikstan, Ózbekstan, Reseı, Ýkraına, Qazaqstan, Túrkmenstan, Qyrǵyzstan elderinen 1200 sportshy qatysyp, eresekter, jastarmen qatar jasóspirimder men balalar jas erekshelikterine qaraı baq synady.
BQO quramasy sapynda 7 sportshy óner kórsetse, sonyń ishinde jastar arasynda 55 kg salmaqta Darhan Temirálıev kúmis júldeger atansa, Áset Maǵalymov úshinshi oryndy ıelendi. Al Nurıslam Qaıyrǵalıev 27 kg salmaqta alty qarsylasyn utyp, tek bir sportshyǵa jol berip, qola júldeni ıelendi.
Jarys olımpıada baǵdarlamasy boıynsha ótti. Rınat Merǵalıev baptaıtyn sportshylar endi eresekter arasynda Taraz qalasynda ótetin QR chempıonatyna qatysady.
Aıta keteıik, karateniń dál osy WKF túri 2020 jyly ótetin Tokıo olımpıadasynyń baǵdarlamasyna engizilgen.
