Batysqazaqstandyq karateshi Iranda ótken týrnırde júldeger atandy
ORAL. QazAqparat - Batysqazaqstandyq Arsen Naǵymov Iran astanasy Tegeranda kıokýshınkan karateden ótken halyqaralyq chempıonatta júldeger atandy, dep habarlaıdy QazAqparat tilshisi.
Ulttyq respýblıkalyq kıokýshınkaı-kan karate federatsııasy BQO fılıalynyń dırektory, Arsenniń bapkeri Solongo Ishannyń aıtýynsha, shákirti Qazaqstan quramasy sapynda 16-17 jastaǵylar arasynda 55 kg salmaqta synǵa tústi. Jarys qorytyndysynda A.Naǵymov qola júldeni jeńip aldy.
Іri reıtıngtik týrnırlerdiń biri sanalatyn atalmysh chempıonatqa jasóspirimder men erler arasynda álemniń 15 elinen 600-den astam sportshy qatysty. Qazaqstan quramasy 3 altyn, 2 kúmis, qos qola júldege ıe boldy. Atap aıtqanda, Aıbek Amanov, Órken Esengeldıev, Mıras Táńirbergen chempıon atansa, Astam Drobıazko men Nurbaqyt Jumabek ekinshi, Beıbarys Asylbek úshinshi orynǵa kóterildi.
«Endi aldaǵy iri jarystarǵa daıyndalyp jatyrmyz. 16-18 naýryzda Qaraǵandy qalasynda QR V jazǵy spartakıadasy ótedi. 27-29 sáýirde Tokıo qalasynda álem chempıonaty men halyqaralyq týrnır bolady, oǵan Batys Qazaqstan oblysynan tórt birdeı sportshy qatysady», - dedi QazAqparat tilshisine S.Ishan.
