Batysqazaqstandyq grepplıngten Azııa chempıonatynyń kúmis júldegeri atandy
ORAL. QazAqparat - Batysqazaqstandyq sportshy Zaıreden Muhambetjanov Astana qalasynda grepplıngten ótken Azııa chempıonatynda kúmis júldeger atandy, dep habarlaıdy «QazAqparat» tilshisi.
Onyń bapkeri Almaz Ihsanovtyń aıtýynsha, shákirti 77 kg salmaqta áýeli qyrǵyz, sosyn ózbek sportshysyn utty. Fınalda Qazaqstannyń taǵy bir ókili, qaraǵandylyq Marat Qutjanovqa 2:3 esebimen ese jiberdi. Z.Muhambetjanov munyń aldynda Qazaqstan birinshiliginde fınalda dál osy M.Qutjanovty utqan bolatyn.
«Grepplıng te sambo, dzıýdo sııaqty kúres túri bolyp esepteledi. Ony Qazaqstanda, sonyń ishinde óńirlerde keńinen taratý baǵytynda elordada búgin semınar da ótkizildi. Zaıreden Qazaqstan quramasyna №1 sportshy retinde alynyp otyr. Oblystan qarjylandyrý bolsa, buıyrsa, qazan aıynda Ázerbaıjan astanasy Bakýde ótetin álem chempıonatyna qatysady», dedi «QazAqparat» tilshisine A.Ihsanov.
