Batysqazaqstandyq gımnasshy qyz D.Ótejanovanyń bolashaǵy zor
ORAL. QazAqparat - Batysqazaqstandyq gımnasshy qyz, kópsaıystan QR birinshiliginiń jeńimpazy Dana Ótejanovanyń bolashaǵy zor. Bul týraly gımnasshy men onyń bapkeri Aıjan Musabekovany oblys ákiminiń orynbasary Baqtııar Máken qabyldaǵan kezde aıtyldy.
Aıta keteıik, Dana taıaýda Almaty qalasynda sporttyq gımnastıkadan el kýbogi men chempıonatynda birinshi eresekter razrıady boıynsha kópsaıystan úzdik shyqty. Taǵy eki altyn medaldi gımnastıkanyń jekelegen túrlerinen jeńip aldy.
Aıjan Musabekovanyń aıtýynsha, el birinshiliginde BQO namysyn №2 BJSM mektebiniń tórt tárbıelenýshisi qorǵady. Dana sporttyq gımnastıkamen bes jasynan beri aınalysady, qazir 12 jasta, bul - onyń alǵashqy iri tabysy. Endi ol halyqaralyq jarystarda óner kórsetýdi armandaıdy.
B.Máken jas gımnasshyǵa sportta sáttilik tilep, tartý-taralǵy tabys etti.
