Batysqazaqstandyq eskekshiler Azııa chempıonatynda tórt júldege ıe boldy
ORAL. QazAqparat - Batysqazaqstandyq eskekshiler baıdarka men kanoedan Samarqandta ótken Azııa chempıonatynda tabysty óner kórsetti, dep habarlaıdy QazAqparat tilshisi.
BQO dene shynyqtyrý jáne sport basqarmasynan túsken málimetke qaraǵanda, jasóspirimder arasynda Qazaqstan ulttyq quramasynyń músheleri Dilnáz Almaǵambetova men Antonına Kazanına úzdikter qatarynan tabyldy.
D.Almaǵambetova tórt kisilik baıdarkada 500 metrlik qashyqtyqta altynnan alqa taqty. 200 metrden eki kisilik baıdarkada kúmis júldege ıe boldy.
A.Kazanına eki kisilik baıdarkada 500 metrden kúmis, osy qashyqtyqta jekeleı synda qola júldeni enshiledi.
15 elden 300-den astam sportshy qatysqan Azııa chempıonaty barysynda eskekshiler 18, 23 jasqa deıingiler arasynda synǵa tústi. Sondaı-aq parakanoe birinshiligi ótip, eresekter arasynda Azııa kýbogy da sarapqa salyndy.
Aıta keteıik, baıdarka men kanoe sporty Batys Qazaqstanda jaqsy damyǵan. Oraldyq Aleksandr Akýnıshnıkov 1986 jyly álem chempıony atansa, sońǵy jyldary onyń shákirtteri, Azııa oıyndarynyń jeńimpazdary Alekseı Dergýnov pen Andreı Ergýchev eresekter arasynda halyqaralyq dodalarda jaqsy tabystarǵa qol jetkizip júr. Olardyń endigi maqsaty - 2020 jyly Tokıoda ótetin Olımpıadaǵa joldama alý.
