Batysqazaqstandyq eki oqýshy halyqaralyq baıqaýdyń bas júldegeri atandy
ORAL. QazAqparat - Aqtóbe qalasynda ótken «Álem TALANT STARS» atty halyqaralyq baıqaýda Syrym aýdandyq balalar men jasóspirimderdiń shyǵarmashylyq ortalyǵynyń oqýshylary Aqbota Shırmedın men Gúlnazym Erbolatova bas júlde ıegeri atandy, dep habarlaıdy «QazAqparat» tilshisi.
Atalmysh ortalyqtan túsken málimetke qaraǵanda, Aqbota Shırmedın «Kórkem sóz» atalymy boıynsha 68 úmitkerdiń ishinen úzdik atandy. Meıirbek Taımanov jetekshilik etetin «Daryn» aqyndar úıirmesiniń múshesi A.Shırmedın bıylǵy jyl basynda oqýshylar arasynda ótken respýblıkalyq aqyndar músháırasynyń jeńimpazy atanǵan edi.
Ortalyq janyndaǵy «Drama» úıirmesiniń (jetekshisi Eldar Áýbákirov) múshesi Gúlnazym Erbolatova «Drama» atalymy boıynsha bas júldeni alýmen birge «Kórkem sóz» atalymynda birinshi orynǵa ıe boldy.
Sonymen qatar «Daryn» aqyndar úıirmesiniń oqýshysy Arýjan Iosıfova «Kórkem sóz» atalymy boıynsha óz tobynda І orynnyń ıegeri atandy. Qaırat Rahmetov jetekshilik etetin «Vokal» úıirmesiniń múshesi Arýna Zakına birinshi, al Nurgeldi Ǵabdýllın úshinshi orynǵa kóterildi. «Arýjan» jáne «Aınalaıyn» bı ujymdary óz toptary boıynsha birinshi oryndy enshiledi. Bul bı ujymdaryna Aınagúl Sarǵozıeva men Gúlshat Nurmuhanova jetekshilik etedi.
