Batysqazaqstandyq dzıýdoshy T.Kólbaı Azııa chempıonatynyń qola júldegeri atandy
ORAL. 13 jeltoqsan. QazAqparat - Batysqazaqstandyq balýan Temirlan Kólbaı Haıko (Haınan, Qytaı) qalasynda jastar arasynda dzıýdodan ótken Azııa chempıonatynda qola júldeger atandy.
Oblystyq dene shynyqtyrý jáne sport basqarmasynan túsken málimetke qaraǵanda, M.Ótemisov atyndaǵy Batys Qazaqstan memlekettik ýnıversıtetiniń stýdenti T.Kólbaı 90 keli salmaqta kúresti. Onyń bapkeri - Qasym Qajenov.
Temirlan - jas ta bolsa, talaı dodada júlde alyp júrgen balýan.
Bıyl batysqazaqstandyq Azamat Muqanov eresekter arasynda álem birinshiliginiń kúmis júldesin jeńip alǵan bolatyn.
