Batysqazaqstandyq dzıýdoshy Eýropa kýbogynyń qola júldegeri atandy
ORAL. QazAqparat - Batysqazaqstandyq dzıýdoshy Ańsarbek Ǵaınýllın Aýstrııanyń Leıbnıts qalasynda jastar arasynda ótken Eýropa kýbogynyń qola júldegeri atandy, dep habarlaıdy QazAqparat tilshisi.
Ańsarbektiń bapkeri Talǵat Balmaǵambetovtiń aıtýynsha, shákirti 73 kg salmaqta jeti ret tatamıge shyǵyp, beldesýlerin ótkizdi. Qola júlde úshin básekede myqty japon sportshysyn tize búktirdi.
A.Ǵaınýllınniń jattyqtyrýshylary - T.Balmaǵambetov pen Azamat Qapsatov.
Eske sala keteıik, Ańsarbek Ǵaınýllınniń budan buryn bıylǵy mamyr aıynda Beırýt (Lıvan) qalasynda jastar arasynda ótken Azııa birinshiliginde chempıon atanǵanyn habarlaǵan bolatynbyz.
Sondaı-aq dzıýdoshy Ǵalbadrah Otǵontsetseg Madrıdte erler men áıelder arasynda ótken Eýropa kýbogynda jartylaı fınalǵa shyǵyp, keıin ol da qola júldeger atandy.
