Batysqazaqstandyq dzıýdoshy Eýropa kýbogy jarysynda qola júldeni jeńip aldy
ORAL. QazAqparat - Batysqazaqstandyq Erlan Ońalov Túrkııanyń Antalııa qalasynda jasóspirimder arasynda dzıýdo kúresinen Eýropa kýbogy úshin ótken halyqaralyq jarysta qola júldeni jeńip aldy, dep habarlaıdy «QazAqparat» HAA tilshisi.
BQO dene shynyqtyrý jáne sport basqarmasynan túsken málimetke qaraǵanda, sportqa daryndy balalarǵa arnalǵan mamandandyrylǵan oblystyq mektep-ınternatta oqıtyn Erlan 50 kg salmaqta úzdikter qatarynan kórindi.
Bul E.Ońalovtyń birinshi jeńisi emes. Budan bir jyl buryn Aqtóbe qalasynda 1999-2000 jylǵy jasóspirimder arasynda top jarǵan Erlan halyqaralyq dodalardan da júldeli oralyp júr. Mysaly, ótken jylǵy qyrkúıekte Saratovta jasóspirimder arasynda ótken qalanyń ashyq kýbogy úshin ótken jarysta Narıman Bekqalıev jattyqtyratyn E.Ońalov jeńimpaz atanǵan bolatyn.
