Batysqazaqstandyq dzıýdoshy el chempıonatynda kúmis júldeger atandy
ORAL. QazAqparat – Batysqazaqstandyq dzıýdoshy Ańsarbek Ǵaınýllın Aqtaýda eresekter arasynda ótip jatqan el chempıonatynyń kúmis júldegeri atandy, dep habarlaıdy QazAqparat.
BQO dene shynyqtyrý jáne sport basqarmasy málim etkendeı, jarystyń ekinshi kúni 73 kg salmaqta kúresken Ańsarbek fınalda Rıo olımpıadasyna baq synaǵan Azııa chempıonatynyń qola júldegeri, 2018 jyly Týnıste álemdik Gran-prı jarysynyń chempıony atanǵan qaraǵandylyq Jansaı Smaǵulovpen tatamıge shyqty.
Talǵat Balmaǵambetov baptaıtyn Ańsarbek budan eki jyl buryn elordada ótken QR chempıonatynda Jansaıdy utqan bolatyn. Bul joly oǵan qosymsha ýaqytta ǵana ese jiberdi.
A.Ǵaınýllın jartylaı fınalda taǵy bir belgili sportshy, bıyl Tel-Avıvte Gran-prı jarysynyń kúmis júldegeri atanǵan shyǵysqazaqstandyq Erjan Serikjanovty jeńdi. Taǵy bir qola júldege almatylyq Asqar Narqulov ıe boldy.
BQO dzıýdo federatsııasynyń vıtse-prezıdenti Ǵaısa Jumalıev aıtýly dodaǵa arnaıy baryp, batysqazaqstandyq sportshylarǵa qoldaý kórsetip júr.
Jambyl oblysynyń ókili, jas sportshy Danııar Shamshaev 66 kg salmaqta top jardy. Ol fınalda almatylyq Ǵusman Qyrǵyzbaevty vazarı upaıymen súrindirdi. Budan buryn 60 kelide el namysyn qorǵap júrgen Ǵusman alǵash ret jańa salmaqta baq synady. Qola medaldi almatylyq, Ǵusmannyń baýyry Ǵumar Qyrǵyzbaev pen atyraýlyq Aıbolat Ystybaev enshiledi.
Eske sala keteıik, budan buryn batysqazaqstandyq qos dzıýdoshynyń el chempıonatynda júldeger atanǵanyn, Sevara Nıshanbaevanyń úsh dúrkin Qazaqstan chempıony bolǵanyn jazǵan edik.
Aqtaýdaǵy el birinshiligi 21 jeltoqsanda márege jetedi.
