Batysqazaqstandyq dzıýdoshy Azııa chempıony atandy
ORAL. QazAqparat - Beırýt (Lıvan) qalasynda dzıýdodan jastar arasynda ótip jatqan Azııa birinshiliginde batysqazaqstandyq Ańsarbek Ǵaınýllın chempıon atandy, dep habarlaıdy QazAqparat tilshisi.
BQO dene shynyqtyrý jáne sport basqarmasynyń baspasóz qyzmetinen túsken málimetke qaraǵanda, chempıonatqa 20 elden myqty dzıýdoshylar qatysyp, baq synaýda.
Ańsarbek 73 kg salmaqta kúresti. Jeńis ońaılyqpen kelgen joq. A.Ǵaınýllın bes birdeı qarsylasyn tize búktirdi.
Ańsarbektiń bapkerleri - Talǵat Balmaǵambetov pen Azamat Qapsatov.
Aıta keteıik, jastar arasyndaǵy Azııa chempıonaty 13 mamyr kúni márege jetedi.
