Batysqazaqstandyq depýtattarǵa QR Parlamenti Senatynyń marapaty tapsyryldy (FOTO)
ORAL. QazAqparat - Keshe Batys Qazaqstan oblysynyń ákimi Nurlan Noǵaev óńirdiń qoǵamdyq-saıası ómirine belsene aralasyp, memlekettik baǵdarlamalardyń júzege asýyna súbeli úles qosqany úshin batysqazaqstandyq úsh depýtatqa QR Parlamenti Senatynyń Qurmet gramotalaryn tabys etti.
Marapat óńirge tanymal kásipker, oblystyq máslıhattyń depýtaty Aqserik Áıtimovke, sondaı-aq Jańaqala aýdandyq máslıhatynyń depýtaty Rýholla Samatov pen Syrym aýdandyq máslıhatynyń hatshysy Ánýarbek Ǵalymovqa berildi. Olardyń qaı-qaısysy da uzaq jyldar boıy halyq qalaýlysy retinde elge qyzmet etip keledi.
Aıta keteıik, «QazIITÝ» ǵylym-bilim kesheniniń quryltaıshysy, tehnıka ǵylymdarynyń kandıdaty, professor Aqserik Áıtimov oǵan qosa 24 jeltoqsan kúni «Zelenov aýdanynyń qurmetti azamaty» atandy. Óńirdiń órkendeýine atsalysyp kele jatqan A.Áıtimov osy aýdannyń túlegi retinde túrli sharalardy qoldap, demeýshilik tanytyp otyrady.
