Batysqazaqstandyq boksshylar halyqaralyq týrnırden oljaly oraldy
ORAL. QazAqparat - Batysqazaqstandyq balǵyn boksshylar Aqtóbe qalasynda bokstan 2001-2002 jylǵy jasóspirimder arasynda QR eńbek sińirgen sport sheberi, álem jáne Azııa chempıony Galıb Jafarovtyń júldesi úshin ótken VІІІ halyqaralyq týrnırden oljaly oraldy, dep habarlaıdy «QazAqparat» tilshisi.
Sportqa daryndy balalarǵa arnalǵan mamandandyrylǵan oblystyq mektep-ınternatynan túsken málimetke qaraǵanda, bul jarysta Álıjan Qadyrhanov 46 kg, Álıhan Batyrǵalıev 66 kg salmaq dárejesinde kúmis júldeger atandy. Olardyń ekeýi de atalmysh mektep-ınternattyń boks bóliminde jattyǵady. Al osy boks bóliminiń jattyqtyrýshysy Ernar Nurıdenov «Úzdik tóreshi» ataǵyna ıe boldy.
Marapattaý rásimine bokstan álem chempıony Galıb Jafarovtyń ózi de qatysyp, jas boksshylardyń qadamyna sáttilik tiledi.
