Batysqazaqstandyq boksshylar búkilreseılik týrnırden jeńispen oraldy
ORAL. QazAqparat - Sportqa daryndy balalarǵa arnalǵan mamandandyrylǵan oblystyq mektep-ınternatynyń tárbılenýshilerinen quralǵan BQO quramasy Krasnoýfımsk qalasynda (Sverdlov oblysy, Reseı) bokstan Alekseı Patrýshevti eske alýǵa arnalǵan «Erlik rıngi» dástúrli H búkilreseılik ashyq týrnırinen jeńispen oraldy, dep habarlaıdy «QazAqparat» HAA tilshisi.
Atalmysh mektep-ınternat ádiskeri Gúldarııa Sısenovanyń aıtýynsha, kishi jasóspirimder arasynda Altynbek Tólesh 24 kg, Saǵyndyq Saǵynǵalıev 50 kg, kadetterden Abylaı Turalıev 52 kg, jastardan Nursultan Nurıdenov chempıon atanyp, altynnan alqa taqty. Sondaı-aq Sanjar Marksov 38 kg, Ábýbákir Ihsanov 65 kg, Abzal Ahmetjanov 40 kg, Talant Esengeldi 57 kg salmaqta kúmis júldeni ıelendi. Oǵan qosa boksshylardy sapaly daıyndaǵany úshin Ernar Nurıdenov «Úzdik jattyqtyrýshy» atandy.
Jalpykomandalyq esepte mektep-ınternat komandasy 1 oryndy jeńip aldy.
