Batysqazaqstandyq boksshy búkilreseılik týrnırde qola júldeger atandy
ORAL. QazAqparat - Máskeý túbindegi Ivanteevka qalasynda Reseıdiń eńbek sińirgen jattyqtyrýshysy Nıkolaı Hromovtyń júldesi úshin bokstan ótken HV ashyq búkilreseılik týrnırde batysqazaqstandyq Nursultan Nurıdenov qola júldeger atandy, dep habarlaıdy QazAqparat.
Sportqa daryndy balalarǵa arnalǵan mamandandyrylǵan oblystyq mektep-ınternattan túsken málimetke qaraǵanda, Reseı qalalary men aımaqtarynan, sondaı-aq Qazaqstannan boksshylar qatysqan aıtýly dodada Nursultan 48 kg salmaqta júldegerler qatarynan kórindi. Onyń bapkeri - Ernar Nurıdenov.
Aıta keteıik, bokstan halyqaralyq dárejedegi sport sheberi, eki márte KSRO chempıony, 1971 jylǵy Eýropa birinshiliginiń qola júldegeri Nıkolaı Hromov bapkerlik jolda da úlken tabystarǵa qol jetkizgen. Reseı quramasyn jattyqtyrǵan ol 2009 jyly halyqaralyq boks qaýymdastyǵynyń (AIBA) sheshimimen jyldyń úzdik jattyqtyrýshysy bolyp tanylǵan. N.D.Hromov 7 qarasha kúni 70 jasqa toldy.
