Batysqazaqstandyq bes birdeı palýan sambodan el chempıony atandy
ORAL. QazAqparat - Taldyqorǵan qalasynda sambodan 23 jasqa deıingi jastar arasynda márege jetken el chempıonatynda batysqazaqstandyq bes birdeı palýan chempıon atandy, dep habarlaıdy QazAqparat tilshisi.
BQO dene shynyqtyrý jáne sport basqarmasynan túsken málimetke qaraǵanda, Áıgerim Telemgenova (56 kg), Erkebulan Qalesh (82 kg), Nurhan Maǵzomov (57 kg), Ańsarbek Ǵaınýllın (74 kg), Temirlan Kólbaı (100 kg) óz salmaq dárejelerinde top jardy. Oǵan qosa Quralaı Qabyraıqyzy (60 kg) kúmis júldeger atansa, Nurymjan Ǵabbasov (90 kg), Gaýhar Saǵadat (72 kg) úshinshi orynǵa kóterildi.
Sóıtip jarys qorytyndysynda bapkerler Almıra Isataeva men Birles Esenǵalıev bastap barǵan BQO quramasy 5 altyn, 1 kúmis, 2 qola medalmen komandalyq esepte birinshi oryndy ıelendi.
