Batysqazaqstandyq belgili balýan respýblıkalyq týrnırde baq synady
ORAL. QazAqparat - Qaraǵandy qalasynda grek-rım kúresinen Núrken Ábdirovti eske alýǵa arnalǵan respýblıkalyq týrnır márege jetti, dep habarlaıdy «QazAqparat» tilshisi.
Aldaǵy jylǵa Qazaqstan quramasyna irikteý bolyp eseptelgendikten, aıtýly dodaǵa Almat Kebispaev, Demeý Jadyraev, Nurmahan Tinálıev, Danııal Gadjıev syndy myqty palýandardyń bári qatysty.
Týrnır qorytyndysynda salmaq dárejelerine qaraı Qorlan Jaqansha (55 kg, Almaty q.), Nursultan Qalmurzaev (60 kg, OQO), Meırambek Aınaǵulov (63 kg, Aqtóbe), Almat Kebispaev (67 kg, Astana), Demeý Jadyraev (72kg, Almaty o.), Tamerlan Shadýkaev (77 kg, Qostanaı), Danııal Gadjıev (82, Almaty), Hýseın Mýtsolgov (87 kg, Qaraǵandy), Janarbek Qabdolov (97 kkg, SQO), Nurmahan Tinálıev (130 kg, Almaty o.) chempıon atandy.
Osy týrnırde úsh jyldyq úzilisten keıin eki aı ǵana daıyndalyp, batysqazaqstandyq Artýr Úmbetqalıev te baq synady. Ol 55 kg salmaqta úshinshi orynǵa ıe boldy.
«Meniń birinshi bapkerim Qazaqstannyń eńbek sińirgen jattyqtyrýshysy Murat Jumashev ekeni belgili. Ol kisi qaıtys bolǵannan keıingi jattyqtyrýshym - Qazaqstan quramasynyń aǵa bapkeri Nurym Dúısenov. Ekinshi bapkerim - Serik Jumashev. Qazir jasym 27-de, Qazaqstan ulttyq quramasyna qosyp, jattyǵý jıynyna shaqyryp jatyr. Degenmen Oraldaǵy sport mektebinde bapkerlikpen de aınalysyp júrmin, shákirtterim bar. Sondyqtan bapkerimmen aqyldasa kele, kúresýdi osymen qoıǵandy jón kórdim», dedi «QazAqparat» tilshisine Artýr Úmbetqalıev.
Aıta keteıik, Artýr Úmbetqalıev Murat Jumashevtiń bapkerligimen 2009 jyly Ankara qalasynda grek-rım kúresinen jastar arasynda ótken álem chempıonatynda chempıon atanǵan bolatyn. Odan keıin eresekter arasynda Qazaqstan chempıonaty men kýbogy jáne basqa jarystarda top jardy.
