Batysqazaqstandyq balýan E.Larıonova álem chempıonatynyń qola júldegeri atandy
ORAL. 19 qyrkúıek. QazAqparat - 19 qyrkúıek kúni keshkisin Vengrııada eresekter arasynda ótip jatqan álem chempıonatynda batysqazaqstandyq balýan Ekaterına Larıonova qola júldeni jeńip aldy.
Ol 63 keli salmaqta úshinshi oryn básekede kolýmbııalyq qarsylasyn nebári 30 sekýndta taza jeńip, tuńǵysh ret osyndaı tabysqa qol jetkizdi.
Ákesi Alekseıdiń jetekshiligimen jattyǵyp kele jatqan Ekaterına budan eki jyl buryn kadetter arasynda Azııa, álem birinshilikterinde top jarǵan bolatyn.
Eresekter arasynda kúreske túskenine kóp bola qoımaǵan E.Larıonova bıyl Qazanda ótken ýnıversıadada qola júlde úshin básekede qarsylasyna ese jibergen edi.
