Batysqazaqstandyq balǵyn doıbyshy álem chempıonatynyń qola júldegeri atandy
ORAL. QazAqparat - 26 tamyz - 4 qyrkúıek aralyǵynda Kranevo qalasynda (Bolgarııa) doıbydan jasóspirimder arasynda jekeleı-komandalyq álem chempıonaty ótýde.
BQO dene shynyqtyrý jáne sport basqarmasynyń baspasóz qyzmetinen túsken málimetke qaraǵanda, osy jarysta Oraldaǵy №2 balalar-jasóspirimder sport mektebiniń tárbıelenýshisi, on jasar Ánel Dáýletova rapıdten (doıbynyń bir túri) qola júldege qol jetkizdi. Áneldiń bapkeri - Danııar Jumageldıev.
