Batysqazaqstandyq badmıntonshylar el chempıonatynan tabyspen oraldy
ORAL. QazAqparat - BQO quramasy Qaraǵandy qalasynda badmıntonnan 2003-2004, 2005 jylǵy jáne odan kishi jastaǵy jasóspirimder arasynda márege jetken jekeleı-komandalyq Qazaqstan chempıonatynan tabyspen oraldy, dep habarlaıdy «QazAqparat» tilshisi.
Badmıntonnan BQO jasóspirimder quramasynyń aǵa bapkeri N.Tolkachevanyń aıtýynsha, jarys qorytyndysynda jekeleı synda Matveı Grışenko 2005 jylǵy jáne odan kishi jastaǵylar arasynda qola júldeger atandy. Oǵan qosa Matveı Tımýr Muqashevpen birge juptyq jáne Veronıka Vıtmanmen aralas synda taǵy eki qola medaldi jeńip aldy. Sondaı-aq 2003-2004 jylǵylar arasynda Nargıza Rahmetýllaeva shymkenttik Darıa Chotonovamen birge juptasyp óner kórsetýde úshinshi orynǵa kóterildi. Al 2004 jylǵy jáne odan kishiler arasynda Veronıka Vıtman qostanaılyq Anastasııa Býshaevamen, sonymen qatar 2003-2004 jylǵylar arasynda Nıkıta Vasılev taǵy bir qostanaılyq Jáńgir Ibraevpen birge juptyq synda kúmis júldeni ıelendi.
BQO quramasy komandalyq synda tórtinshi orynǵa taban tiredi.
