Batysqazaqstandyq Á.Ǵubasheva halyqaralyq dárejedegi tóreshi atandy
ORAL. QazAqparat - Halyqaralyq voleıbol federatsııasy (FIBV) batysqazaqstandyq Ásel Ǵubasheva men qyzylordalyq Aıdos Ahmetovke klassıkalyq voleıboldan halyqaralyq dárejedegi tóreshi mártebesin resmı túrde bekitti.
Qazaqstan voleıbol federatsııasynan túsken málimetke qaraǵanda, olar ótken jyly halyqaralyq semınar synaqtaryn sátti tapsyrǵan bolatyn. Sóıtip 27 jasar tóreshiler halyqaralyq voleıbol federatsııasynyń eń jas tóreshileri atanyp, álemdik deńgeıdegi jarystarǵa qazylyq etýge múmkindik alyp otyr.
Aıta keteıik, Ásel Ǵubasheva qazirdiń ózinde Fılıppınde 23 jasqa deıingiler arasynda ótip jatqan birinshi Azııa chempıonatynda tórelik etip úlgerdi.
