Batys Vırdjınııada sý tasqyny saldarynan 23 adam qaza tapty
ASTANA. QazAqparat - Amerıkanyń Batys Vırdjınııa shtatynda sý tasqyny saldarynan qaza tapqandar sany senbi kúni 23 adamǵa jetti. Bul týraly RIA Novostı Assoshıeıted Press agenttigine silteme jasap habarlady. Bunyń aldynda 18 adam ólimi tirkelgen bolatyn.
Agenttik málimetterine súıensek, 100-den astam úı qırap, myńdaǵan adam elektr jaryǵynsyz qalǵan. Bılik adam óliminiń ósýinen qaýiptenýde. Іzdestirý-qutqarý jumystary júrgizilýde.
AQSh-tyń Tótenshe jaǵdaılar jónindegi federaldyq agenttigi tabıǵı apat saldarymen kúresý úshin komandalar jibergen. Olar shtat bıligimen birge shyǵyn kólemin baǵalamaq. Jınalǵan aqparat negizinde shtat bıligi federaldyq kómekke júginedi.
Osynyń aldynda 500-ge jýyq adamnyń sý tasqynynyń sebebinen Batys Vırdjınııa shtatynyń Elkvıý qalasyndaǵy saýda ortalyǵynda qamalyp qalǵany habarlanǵan edi.
Shtattaǵy nóser jaýyn beısenbi kúni bastalǵan. Vırdjınııa jáne Batys Vırdjınııa shtattarynda tótenshe jaǵdaı rejımi engizildi.
Foto: © Flickr/ C. Holmes
